Ekipi i volejbollit të vajzave të KS Tirana është padyshim një nga ekipet elite të volejbollit të vajzave në Shqipëri. Ata janë 20 herë Kampionë të Shqipërisë, 10 herë fitues të Kupës dhe 1 herë fitues të Superkupës, duke u renditur mes më të mirëve përsa i përket suksesit dhe numrit të trofeve. Bardheblutë janë gjithashtu edhe fituese të Superkupës Mbarëkombëtare në vitin 2011.

Por duhet theksuar fakti se në volejbollin e femrave Sport Klub Tirana është e para kampione e Shqipërisë në të parin kampionat kombëtar zhvilluar në vitin 1946. Pas kësaj u vargëzuan me radhë disa tituj kampionë, por duhej të kalonin edhe disa vite derisa në fushat e volejbollit shqiptar të shfaqej një talent i rrallë si legjendarja Fahrie Hoti, një ikonë e vërtetë në këtë sport. Ajo është e para shutere në kuptimin e plotë të fjalës në historinë e volejbollit të vajzave shqiptare. Me Fahrie Hotin, Vera Verrinë, Rajmonda Beqon, Rina Ruçon, Nina Elinin etj., volejbolli në Klubin Tirana bëri epokë. Madje ishin këto vajzat bardheblu nën drejtimin e trajnerit Harun Dojaka që përfaqsuan Shqipërinë për herë të parë në Kupën e Kampionëve të Europës në sezonin 1969-1970 në volejboll për femra. dhe që në start paraqitja e vajzave bardheblu është dinjitoze. Ndërkohë në radhët e ekipit krahas Fahrie Hotit e Vera Verrisë kontribuan me sukses edhe Urani Çeliku, Zana Vako, Irini Iftiu, Emanuela Axhani, Mimoza Dobrolishti, Bardha. Në këtë gjeneratë vlen për t’u permendur kontributi i Emanuela Axhani, Ingrid Murzaku, Nevila e Linda Hatibi, Majlinda Kaso, Anila Fekollari, Vetiola Ceka, Natasha Bajrami dhe shumë të tjera. Sukseset të tjera janë ato të sezonit 1995-96 në Kupën CEV si dhe në Turneun e 4-të Ndërkombëtar të Femrave në Partinico, ku morën medaljen e argjendit. Më tej sukseset në arenën kombëtare kanë qenë evidente dhe ekipi i vajzave të Tiranës është gjithmonë në tre vendet e para në të gjitha kompeticionet kur nuk ka qenë fitues. Shumë nga vajzat e këtij ekipi si: Edlira Bllaci, Albana Themeli, Kleda Shkurti, Dorina Hysenbelli, Klonarda Nezaj, Iva Xhixha, Xhozafa Meçollari, Ornela Skënderi etj., kanë qenë bërthama e ekipeve kombëtare pas viteve 90-të. Pjesë e gjithë këtyre sukseseve janë dhe trajnerët që e kanë drejtuar ekipin ndër vite: Harun Dojaka, Thoma Kuke, Fatmir Sharofi, Andon Kono, Manun Ceka, Adrian Gorenca. Pa harruar kurrsesi volejbollistet e shquara ndër vite: Myhyrie Llagami, Meri Pilku, Melpomeni Çobani, Vanda Çorati, Melpomeni Zoraqi, Andromaqi Katro, Mila Çorati, Fahrie Hoti, Vera Verria, Engjëllushe Qereshniku, Rina Ruço, Urani Çeliku, Kimete Kabashi, Mimoza Dobrolishti, Shpresa Dako, Zana Vako, Irini Iftiu, Luiza Plaku, Natasha Bajrami, Nevila e Linda Hatibi, Emanuela Axhani, Vilma Shtino, Eda Toska, Liliana Prifti, Fatbardha Morina, Angjelina Prifti, Melina Xhangolli, Ingrid Murzaku, Mariza Krroqi, Lavdie Hakrama, Luljeta Frashëri, Ilda Tafaj, Vetiola Ceka, Anila Fekollari, Albana Themeli, Flutra Mamli, Edlira Bllaca, Edis Bonati, Ajola Berisha, Diana Mulleti, Mariza Shkodrani, Elida Terezi, Nina Elini, Rajmonda Beqo, Ornela Skënderi, Arjola Prenga etj.

Volejbolli në krahasim me sportet e tjerë është relativisht i ri. Kampionati i parë i volejbollit në vendin tonë është zhvilluar në vitin 1933 në Tiranë.Vetëm një vit më vonë, pra më 1934 u zhvillua në Tiranë kampionati krahinor i volejbollit. Kështu në radhët e Shkollës Teknike spikatnin emrat Riza Lushta (Llustra) e Naim Kryeziu që do të bënin emër në radhët e skuadrës së futbollit të Sport Klubit Tirana, nga ku më pas do të shkëlqenin nëpër stadiumet e Italisë në radhët e Juventusit dhe të Romës. Në radhët e Sport Klubit Tirana bënin pjesë Arif Peza, Hysen (Dake) Kusi e Foto Janku, që po ashtu shkëlqyen më pas tek ekipi i futbollit i Sport Klubit. E njejta gjë ishte edhe në skuadrën e Gjimnazit të shtetit ku nuk mungonin emrat e Sulejman Lleshit, Halim Begejës e Maliq Petrelës që po ashtu do të luanin e do të fitonin tituj kampion me bardheblutë e Sport Klubit Tirana. Ndërkohë duhet të themi se ishte skuadra e Gjimnazit që në përfundim të këtij kampionati u rendit e para.

Më 2 shtator me krijimin e Federatës së Sporteve të Shqipërisë volejbolli u përhap në të gjithë Shqipërinë, në formë më të organizuar. Kështu një vit më pas, më 1946 nisi edhe zhvillimi i rregullt i kampionateve. Dhe për bardheblutë nuk do të vonojnë sukseset. Janë tre tituj kampion radhazi më 1947, 1948 dhe 1949.Në kampionatin e vitit 1957 ata prekin sërish titullin kampion, që për ta ishte i katërti, ndërkohë që për të shijuar sërish titullin kampion do t’u duhet të presin jo pak por 30 vite. Dhe janë dy tituj kampion njëri pas tjetrit në sezonet 1986-1987 dhe 1987-1988. Pas kësaj shumë shpejt djemtë bardheblu në sezonet 1991-1992, 1992-1993 dhe 1993-1994 do të vargëzojnë tre tituj njëri pas tjetrit duke e ngritur në nëntë numrin e titujve kampionë. Një arritje kjo që pa dyshim është fryt i punës cilësore të trajnerëve të njohur: Enver Maçi, Thanas Mitrushi, Andon Kona, Ali Lulolli, Thoma Kuke, Gjergj Pishtari, Arjan Voci, Fatmir Sharofi, Ardian Gorenca, Ilia Koja, Adnan Llagami, Andrea Xhori, Ilia Gaxho, Ilir Xhemalçe, Manun Ceka, Uran Alite, Uran Toptani, Harun Dojaka etj., pa harruar kurrsesi mundin e djersën e dhjetra volejbollistëve si: Xhelal Turku, Pëllumb Pelivani, Mërgim Korça, Dilaver Toptani, Egon Gjadri, Shefqet Kau, Ismail Maloku, Qemal Gjinali, Harun Dojaka, Zef Toska, Vasil Binga, Mit’hat Keta, Bilal Fuga, Muharrem Dervishi, Fatmir Sharofi, Njazi Kosovrasti, Vesel Rizvanolli, Adnan Llagami, Xhavit Laçi, Fatmir Bulku, Edmond Fagu, Lulzim Demneri, Irfan Baçi, Agim Korbi, Dhimitraq Sallata, Gjergj Pishtari, Agim Reka, Ened Tufa, Hamdi Reka, Safet Kastrati, Gjergj Krroqi, Kostaq Skënderi, Skënder Qefalia, Ilia Koja, Genc Tafaj, Valentin Hoxha, Arjan Korça, Rajmond Gjerazi, Ardian Gorenca, Arben Rakipi, Edison Pashaj, Engjëll Hysenbegasi, Roland Gavazi, Fatmir Sota, Arben Gjino, Arbenc Vokopola, Andon Beqari, Pëllumb Meçani, Romeo Kora, Gëzim Selenica, Gëzim Musai, Arben Sako, Sokol Hakrama etj.

Kur flitet për titujt kampion të ekipit të femrave të baskëtbollit të KS Tirana, teksa i rendit vit pas viti, konstaton një fakt tejet domethënës. Në shtatëdhjetë kampionatet e zhvilluara deri tani që nga viti 1947 vajzat bardheblu rezultojnë kampione në dyzet e një kampionate. Po t’i shtosh kësaj shume edhe njëzet e gjashtë kupa të Shqipërisë, plus edhe tre Superkupa bëhen plot shtatëdhjetë trofe. Pra një shifër vërtet rekord që i bën vërtet mjaft krenarë admiruesit e kësaj skuadre.

Ndërkohë duhet thënë se ky ekip ka bërë epokë jo vetëm me trofet e fituar por edhe me nivelin e lartë dhe hopin e vazhdueshëm, që i ka dhënë basketbollit të vajzave shqiptare në të katër anët e vendit, duke lënë gjurmë të pashlyeshme e duke shkruar një histori të shkëlqyer në sportin tonë kombëtar.

Ja bilanci i shkëlqyer i arritjeve të ekipit të basketbollit të femrave: 41 herë kampion: 1947, 1948, 1949, 1950, 1951, 1952, 1953, 1954, 1955, 1956,1957, 1958, 1959, 1960, 1961, 1962, 1963, 1964, 1966, 1968, 1969, 1970, 1971, 1972, 1973, 1974, 1976, 1982, 1983, 1986, 1987, 1988, 1991, 1992, 1993, 1994, 1995, 1997, 1998, 1999, 2019.

26 hërë fituese e Kupës së Shqipërisë: 1956, 1957, 1960, 1961, 1962, 1965, 1966, 1967, 1968, 1969, 1970, 1971, 1972, 1977, 1978, 1980, 1985, 1987, 1990, 1994, 1996, 1998, 2006, 2013, 2018, 2019.

3 herë fituese e Superkupës: 2003, 2016, 2018.

Protagonistet kryesore në këto arritje janë: Melpomeni Zoraqi, Evgjeni Kote, Rexhina Hanxhari, Anjeza Duli, Mediha Kazazi, Suzana Biçaku, Vera Çiçka, Terezina Radoja, Sanije Stojku, Milika Niçe, Sanije Vathi, Lubica Xhajanka, Aishe Shima, Bukuroshe Shtiza (Bellova), Vera Dojaka, Pavlina Llaci, Dhurata Xhani, Mereme Ferhati, Fatmira Konçi, Fatime Ymeri, Vjollca Hoxha, Vjollca Memo, Elida Beti, Valentina Myrto, Ermira Gjoni, Diana Shoshkiç, Zamira Hajdini, Luljeta Marku, Irini Sulollari, Edra Alibegaj, Taulanta Vogli, Elena Konini, Anila Paruca, Nora Goxhi, Vojsava Bego, Zina Demo, Lindita Cani, Shqiponja Baxhaj, Sheqere Sallata, Yrmete Gjeta, Klodeta Dibra, Mirza Alibegaj, Alma Misko, Snezhana Shoshkiç, Bruni Hyka, Margarita Verria, Blerta Spiro, Rovena Golemi, Karolina Kostallari, Lumturi Hoxha, Luljeta Hoxha.